大概依個故事既開始係店主仲未擁有門市前,記得當時店主係連IG都唔識用,所以亦未係IG開帳號的,有一日有一位朋友係FB INBOX店主查詢,告知店主想搵喲可以幫助避險強,招偏財好既牌,正陰牌都唔緊要,最緊要真係避到平安,店主就問依位朋友係從事咩職業,依位朋友好直接同店主講我撈野既,咁店主就明白晒了,之後店主就腥左好幾張避險好既佛牌比依位朋友睇,當中當然有正有陰,可能大家多數男仔都喜歡有型有款既野,特別係一些出來行走江湖既朋友,而依位朋友一眼就睇中派格聶了,派格聶大多都係以骷髏頭法相做成,大多數又係擁有一對紅色既眼睛,而大多數不是以金色就是以黑色既骷髏頭制成,以這個配搭是絕大部分男仔都鐘意既法相,所以依位朋友一眼就睇中亦很喜歡,AR,我都係比番個化名依位朋友先,下下打依位朋友唔係咁好,好啦,就叫佢做大東啦,咁大東就問店主依塊佛牌既資料,功效等等,有睇過上集既都應該對派格聶有初步既認識啦,咁今日就講下依位朋友塊派格聶既功效,大東請依塊既派格聶係屬入男靈的,繼上次女靈故事後,好多朋友仔叫店主下次出故事希望店主可以列明係入咩靈,係分靈還是獨立靈等既資料,等大家知得多喲,咁店主就應大家要求,係到亦交帶埋上一個女靈故事事主小葵既牌係屬獨立靈又可以稱女鬼賓靈,而今次依個故事係屬分靈,分靈與獨立靈既分別大家可以參考本店以前既店主所出既文章就會有答案了,今次事主派格聶既最大功效係避險特強,特別顯著,亦有招財既能力,亦有一段專屬經文去幫助自己的,當大東聽到亦有招財既能力時,就問店主咁即係強唔強呢?店主就同大東講,師兄人生最大既財富就係安全,如果我地連生存既能力都冇了,仲邊有財富進來呢?只要生存活過來,安全自由得過來的話,才有擁有更多機會去得到更多的錢財,招財強唔強就要睇大東師兄你如何對待牌中的男靈,之後大東師兄睇完之後都冇再覆店主了…….過左幾日後,店主INBOX再次彈出大東既對話框,大東會同店主講喲咩呢?出離交收個時又遇到咩事呢?

上回講到大東過左幾日之後再一次搵店主,話依幾日都出去左做野,所以冇時間搵你,唔好意思,今日有時間搵你係想問你如果我請個款派格聶係要注意喲咩,店主就告知大東如果請依款派格聶需要供奉香煙,濃味既啤酒,咁店主知道大東係從事一喲比較風險高回報高既行業,所以店主就叫埋大東供奉埋紅綠糖水去幫助自己既財運同人緣運,風險高即是有危險啦,店主就告知大東想避險好的話就要供奉全綠既香蕉,即是好生好生未熟既香蕉,待熟左之後就務必要食番供奉既香蕉,咁樣既話定能加強與牌內耳報鬼既靈力,大東聽完之後就立即話冇問題,依喲條件我都可以做得到,就速以打鐵襯熱既態度問店主住邊區,想渣車過離同店主交收,店主就告知大東地點,叫大東到左就打比店主,過左一陣大東就已經離店主居住既附近,大東告知店主係咩車牌,叫店主上車交收就OK了,店主真係第一次咁樣交收,可能依喲係大東既職業病啦,哈哈,店主見到了大東既車,一望就知道大東應該係撈得好掂既人,店主就上車,大東好有禮貌咁同店主打招呼,說起話上離都好客氣,但從大東手上同頸上既疤痕離睇,店主就知道大東係一位有過去,有豐富經歷既人離,但為人友善近人,可以講話係一個世界仔,大概係大東架車上邊交談左半小時,大東發覺原來同店主大家都好岩傾,而店主都係第一次係車上邊教客人唸經,或者依個經歷會係我畢生難忘既一次,大東走之前店主係車外就問大東住邊區,點解咁快離到既,大東就話住九龍區,而店主住港島,但係大東8分鐘就離店主個邊,店主就話大東唔好渣車渣咁快啦,好危險的,之後大東就笑笑口就開車走左了,之後會發生喲咩?大東番到屋企又點做呢?店主開口中大東差喲出車禍,耳嗚得好痛,有冇重傷呢?

上回提到店主叫大東開車唔好開咁快,要小心開車,以下落離講既野都係大東之後同店主講番既經過,自大東從店主手上拎派格聶回家後,大東就照店主吩咐回家前買左罐濃味既啤酒,一包萬寶路同一梳未熟既全綠既香蕉,番到屋企之後就搵好位置放好塊牌同供品,然後就坐係塊牌既前面,拎住一張店主翻譯同音字既紙仔,唸起從來都未接觸過既語言,隱隱約約都唸晒所需既經文,經文唸完一刻後,不到2秒台上岩岩買個罐黑色啤酒,好似湧存咁湧出離,大東見慣世面都立即呆左一呆,皆因大東係個極度要面子既人,當時發生喲咁既事都冇立即問店主的,因為怕比人知自己咁都驚,其實以上情況都係好正常的,有喲人會話啤酒有氣架嘛,一定會咁架啦,但店主相信就算有氣都好,點解唔係一開出離個時湧出離,而係唸完經先湧出離呢?依個問題永遠係冇一定真正的答案,因為唔信既人會用百種萬種既科學理據去說服自己,而相信既人就會真真正正感覺到有另一種磁場係自己身邊,告知自己佢既存在,而大東個時心諗,果然係堅野有料到牙,大東之後就回復心情,告知牌內靈體自己既名字及居住既地址,亦告知自己既經歷同從事邊一種偏門行業,如是者在個一個星期都好正常,好順利,好平安咁渡過左,食依個時候,本來全綠既香蕉都已經熟了,大東就記得店主講過蕉一熟就食,如是者一食就食左幾日蕉了,亦係一個五光十色既晚上,大東剛好要出街搵朋友,一直係路上都好平常,但當去到一半路時,大東既耳仔開始感受到微微既耳嗚,溫溫聲咁,大東就以為可能空氣問題,但唔對路喎,愈馭前耳嗚既聲就會大聲,大東醒起店主個時講話如果耳仔開始耳嗚即是牌內既靈告知你開始有危險,請盡快離開,如果愈離愈大聲即係危險愈離愈近,但當大東醒起個時耳嗚已經去到痛咁制,大東亦立即急停剎車,一剎車後耳嗚漸漸消失,大東心諗攪咩牙?前面又冇車,又冇人,就落車睇,一睇就睇到原來地下有好大灘油跡係到,如果以頭先車速,大東可以講話,二個字:炒硬車,之後大東就上番車,試下慢馭睇下會唔會有耳嗚,點知又冇喎,跟住又開番正常高速既車速,都係冇耳嗚,咁大東當時就知道係牌內既靈幫左佢一次,自今次後大東第二日就立即換過晒d供品,而且仲幫助牌內既靈做功德回響番比佢,但一次幫助或者係巧合,大東仲有第二,第三,第四次既同類事件發生,而係第四次單野都上埋新聞。

上一集預告左大東會有第二次,第三次同第四次既危險經歷,大東經過第一次經歷之後,滿心相信依個世界除左靠自己之外,其實係可以借助其他既力量去幫助自己,至此之後就好相信牌內既男靈,亦稱呼牌內既男靈為大哥,係第二日之後大東今日比平時早起身,以大東既習慣一般都唔會咁早起身,不境佢始終係生活係五光十色既夜生活當中,但今日咁早起身,攪咩呢?原來佢一早起身就嗱嗱聲渣車到位於九龍城城南道既泰國雜貨鋪,為大哥買供品,係到又講比大家聽一聽先,好多朋友都會問係邊到可以買到供品牙,其實都係同故事既主角一樣可以去到九龍城城南道依條街到買到,可以係旺角坐小巴到九龍城買,咁大東為左答謝大哥資詢左店主問可以買喲咩答謝,經店主推薦之後,大東就買左鮮花,紅綠糖水,糕點,檳榔,香蕉,黑啤仲有一個小型供壇,回到家之後就重新放好,重新汁好個位比大哥,再一次唸經,而今次唸完經之後啤酒都冇湧出離的,直到大東同大哥講好多謝你幫左我,依喲供品係比你的,之後啤酒又再一次湧出離的,大東依一刻唔再慌,反而好高興,因為佢知道大哥比左表示佢,接受左自己既供品,從依一刻大東與男靈變成了人與人之間的友情,也許看不見對方,也許聽不到對方的聲音,也許不能把酒當歌,但知道有一個一直沉默的對方在陪伴自己左右,能跟自己一起到處去,這已經超越左人與人之間既友情,大概又過了一個星期後,今晚同以往一樣,大東收到電話要出去做野,而每一次出去做野時,大東亦會帶住佢既戰友大哥,開著車去跟客人交收,渣到一半到紅綠燈前面,紅燈亮起,停車了,大東望望旁邊既車輛,巧合地咁遇到自己既朋友,係紅燈期間,大東打開車窗,與好友傾兩句,綠燈之後,耳嗚的感覺又來了,大東就放慢車速,但放慢車速直行都係一直痛,前面係一個收費站,過左收費站之後大東都係直行,但耳嗚愈離愈大聲,大東心知不妙,前面係一條直路同一條小路既Y字路口,大東心知大哥比左警示佢唔好再一直行直路,大東就選擇入小路兜路,遲小小唔緊要,最緊要安全,一入左小路之後耳嗚的感覺沒有了,大東個心先定番,但諗唔明咩事,但冇事就得了,大東照常去到交收地點,客人上車交收,交收完就渣車番屋企,番屋企途中,岩岩遇到個位朋友打離,問大東依家係邊,叫大東唔好行個條直路,個條直路擺晒路障查車,一行你中硬,大東即時諗起唔怪得係咁耳嗚啦,原來大哥想話比我知前面對我離講真係好大危險,如果中左既話真係衰硬個隻牙,真係好彩牙,之後大東就告知朋友話冇經過,多謝提醒,心知大哥又再一次幫自己避開左一直想避開既野,大東第兩日就做出左一個決定,係一個咩既決定呢?

話說上回講到大哥又再一次幫左大東,而大東第兩日做出左一個決定,應該亦都係好少人會咁做既一個決定,係一個溫和日麗既中午下,大東渣車到一間勞力士專門店,相信大家睇到都清楚大東做出左一個咩既決定,係,大東決定將依兩個星期搵到既錢拎一半出離買一隻勞力士比牌既靈以謝報謝之恩,對好多人離講可能會覺得大東傻,但對大東離講安全先係最緊要,因為大東清楚佢自己做緊既野要安全先有機會再搵多喲錢,而買依隻錶既錢對自己離講亦唔係咩野大錢,買完錶之後,大東沒有回家,大東知道好多野都係有借有還的,心知大哥幫左自己,自己亦應該去幫助其他人去將功德回響比大哥,所以佢去左某個機構參加左助養孤兒既計劃,一參加就助養了三個孤兒,回家後就打開三份同意書,係大哥面前告知自己助養左邊個孤兒,孤兒既名同詳細資料都一一告知大哥,與此同時亦唸起經文將依喲功德都回響比番大哥,亦告知大哥送他一隻名錶,事發過後大東既生意都一直上升,好心會有好報再一次呈現係大東身上,但直到有一日既夜晚,雷電交加大風大雨,大東依然出去交收,而依次亦係大哥既第三次幫左大東,係依一晚,大東依然用快速既行車車速東卉西跑,但由於天下大雨關係,加上大東個晚比較累,係路上行車好難睇到前面,大東就一直向前衝,突然耳嗚起來,大東立即煞車,好彩大東煞得快,唔係的話就會衝紅燈,一衝的話可以講話炒緊車個隻,因為當大東煞車一刻才驚醒自己位於十字路口,如果一衝燈的話會被左邊既大貨車迎面撞來,而煞車一刻大東耳嗚都沒有了,大哥可算係大東既最佳拍擋,自此之後大東亦真係冇再渣車渣到咁快,每一次出門交收時都減慢車速,將危險減到最低,時間一日一日咁過去,大東既生意愈做愈大,但人怕出名,豬怕肥,花亦無百日紅,下一集將會係大東有史以離最驚訝,而且令大東金盤洗手既一集,更多精彩環節盡在下一集。

依個故事係時侯完結了,鏡頭一轉,上回講到時間一日一日咁過去,大東既生意愈做愈大,但人怕出名,豬怕肥,花亦無百日紅,這段美好既日子持續了兩個半月,但驚險既一日,終於來臨,又是一個完成工作的晚上,大東跟平時一樣做完野回家休息,電話響起,拍擋告知大東聽日下午時份有單大交易,只做左依單交易大家就可以停一停享受生活,但通常到依喲情節都唔會咁易順利同埋一定會有危險,但為生活為搵錢大東點都要做埋依次,可惜牌內既靈又點會比大東冒依個險呢,就當大東正正入睡時,似幻而虛既夢境出現了,夢境裹出現的竟然同拍擋所講的交易地點時間一模一樣,但情境卻係拍擋被多名警察圍捕扣上手扣壓上囚車,大東頓時醒過來,滿頭大汗,佢靜了下來,靜靜的,靜得聽得見自己的心跳聲,係依一刻佢清楚依個夢係大哥報給佢的,第二日當天大東的電話響過不停,但大東卻一個都沒有聽,佢係到糾結緊到底去唔去,但如果真係好似發生夢中情境的話,佢既人生就此完結,沒有前途,沒有自由了,但大東知道是時候決定結果,最後大東選擇了係交易時間之後的半小時去,大東今次選擇了坐的士去,佢冇渣車,係差唔多到時候,途中多架警車經過,大東心知不妙了,當的士到的一刻夢中的情境活生生逞現係大東眼前,佢親眼望住自己既拍擋被警察壓上囚車,係個一刻身經百戰既佢亦驚慌起來,哥哥仔,哥哥仔,到左了,司機叫左幾次大東,大東才由驚慌醒來,大東就答司機原來溜左野係屋企,叫司機車佢番去佢住個到,係回家途中不停回憶同拍擋以前既往事,一齊撈野,一齊傾心事,但現在白眼眼睇住自己既兄弟上囚車,個種情感百感交雜,但佢知道係大哥幫左佢,半個鐘後終於都番到自己既屋企,大東一個人靜坐了4個小時,佢打開電話翻查今日既新聞,佢睇到拍擋既個一單新聞,價值一百多萬XX,大東睇完後再靜坐了一個小時,佢諗通了,佢拿著大哥唸起經文,跟住應承大哥從依一刻不再掂依喲偏門野,感謝大哥真真正正幫左佢,亦將自己係依喲偏門野搵到既一半錢捐出去回響比大哥,亦係同一個月既月尾大東離開了香港回到自己既家鄉做正行生意,開了間小食鋪,正正式式從正行去搵錢,他沒有了擔驚受怕的感覺,到現在大東依然同大哥於家鄉中山生活,人,一無所有的來到俗世,歷盡紅塵萬千,滾得一身銅臭,一身破爛。到該走的時候,也不勉強留下,但我相信我們身無長物的降臨人間,也得瀟瀟灑灑,了無牽掛地離開!

人生來就如白紙一張,由天賦本性和性格主宰一切行動,天生馴良生來勤奮性格悲觀……本性就是一張白紙,然後被經歷一筆一劃塗滿,畫得花碌碌還是簡潔整齊,每個人人生大不相同,險惡善良難預料,唯一肯定面目全非,只有自己才能改變自己。
大東的這個故事已經完結了,但係現今社會亦有好多人同大東既故事也很像,只要好好對待自己既陰牌,定必會有好的事情發生。