陰牌一般都係睇師傅，材料以及加持既時間，依家陰牌愈來愈多，陰牌屬於願意與靈界結了一個緣同做功德既人才適合供養，如果無心的話店主真的不建議你去供養陰牌。之前有朋友問我一啲好老既牌，問塊牌好唔好，點樣點樣，我慢慢發現左一個習慣，就係唔接觸佛牌既朋友，先會將自己能知道既師傅都先問一次，唔理係咪仲係世上，然後又再問每個師傅做咩牌係最好等等。而注重功效既朋友，會先考慮某個牌係咪能幫助自己解決問題，然後決定係咪入手。

繼續講下，除左供奉型和部分既陰牌以外，其他牌大多既禁忌都係離身就失效，例如符管，崇迪，必打，坤平，等等等等，所以一般如果希望牌有效果，就唔好放係家裡，而係戴係身上。因為你放係到都冇用，牌多既朋友可以依情況戴牌，比如今天適合增加人緣的，明天適合增加財運的，就帶番咩牌就可以。而陰牌多數都係會跟供奉者，所以有時放係到都可以，但一般都係建議跟身，因為靈體未必係時刻跟著你，陰牌既料夠陰的話，比如比較大既骨頭，天靈蓋即賓靈，眉心骨等等，依啲基本上靈都係唔會走。陰牌既力量強弱取決於入面既靈體，而唔係於牌面法相本身而定。所以唔算陰既牌，其實可以稱之為佢住既地方，而靈不在了，就幫不了供養者，但唔代表一直無靈，只要唸經或一直有供奉著，有事時靈定會出現幫助。

而鐘意古曼既朋友，店主又簡單講下，古曼其實分好多類，之前都介紹左成十幾篇文，想知既就自己拉落去睇番。而古曼既好壞，除左取決於材料外，仲要睇師傅和加持，但最重要既，就係供養者點去養，重點供養古曼童唔係養鬼仔。料唔夠陰既話，古曼係可以走的，亦就係有朋友講既投胎，當然，亦有唔係投胎了，而係離開。而係招財招人緣桃花方面，陰牌力量係絕對比正牌強大。因為陰牌本質就係個有思維既異界靈識。且前生為人，懂得人既心理需要，比起普通既正牌功效明顯好多，但係正牌亦有正牌既擅長方向，就係辟邪擋險。